വിവാദങ്ങള്ക്കിടെ ബിജെപി നേതാവ് പി സി ജോര്ജ് പാലാ രൂപത ആസ്ഥാനത്ത് എത്തി. ബിഷപ്പ് ജോസഫ് പള്ളിക്കപറമ്പിലുമായി കൂടിക്കാഴ്ച നടത്തി. താന് രാഷ്ട്രീയം പറയാന് വന്നതല്ലെന്നും പിതാവ് തനിക്ക് കൊന്തയും കുരിശും സമ്മാനിച്ചതായും പി സി ജോര്ജ് പറഞ്ഞു. ബിഷപ്പിന്റെ ജന്മദിനത്തിന്റെ ഭാഗമായാണ് സന്ദര്ശനമെന്നും പി സി വിശദീകരിച്ചു.സഭയുമായി പ്രശ്നമില്ലെന്നും പി സി ജോര്ജ് പറഞ്ഞു. ചില പിതാക്കന്മാര് നന്ദികേട് കാണിച്ചാല് ഇനിയും പറയും. കാഞ്ഞിരപ്പള്ളി രൂപതയ്ക്ക് വേണ്ടി ഏറ്റവും കൂടുതല് ഉപകാരം ചെയ്ത ഒരാളാണ്. എനിക്കെതിരെയാണ് വോട്ട് ചെയ്യരുതെന്ന് ബിഷപ്പ് പറഞ്ഞത്. ഒരു കന്യാസ്ത്രീ പറഞ്ഞാണ് ഈ വിവരം താന് അറിഞ്ഞത്. ബിഷപ്പുമാര് സഭയുമായി ബന്ധപ്പെട്ട് കാര്യങ്ങള് മാത്രം നോക്കണം. സഭയില് എല്ലാ തരത്തിലുള്ള രാഷ്ട്രീയക്കാരും കാണും. അതുകൊണ്ട് സഭാ നേതാക്കള് രാഷ്ട്രീയം പറയുന്നത് ശരിയല്ല. ഞാനും ഷോണ് ജോര്ജും കേരള നിയമസഭയില് കാണും – അദ്ദേഹം പറഞ്ഞു
Trending:
