മോസ്‌കോ: റഷ്യ പൂര്‍ണമായും വാട്‌സ്ആപ്പ് നിരോധിക്കാന്‍ ഒരുങ്ങുന്നുവെന്ന് മെറ്റ. ഇന്റര്‍നെറ്റില്‍ നിയന്ത്രണമേര്‍പ്പെടുത്തുന്നതിനും രാജ്യത്ത് തന്നെ വികസിപ്പിച്ച സോഷ്യല്‍ മീഡിയ പ്ലാറ്റ്‌ഫോമുകള്‍ പ്രോത്സാഹിപ്പിക്കുന്നതിനുമാണ് റഷ്യ ഇത്തരം ഒരു നടപടികളിലേക്ക് കടന്നിരിക്കുന്നതെന്ന് മെറ്റ വക്താവ് റോയ്‌ട്ടേഴ്‌സിനോട് പറഞ്ഞു. 2022ല്‍ യുക്രെയ്‌നിലെ അധിനിവേശം ആരംഭിച്ചതിന് പിന്നാലെ തന്നെ വിദേശ വിവര സാങ്കേതിക ദാതാക്കളുമായുള്ള തര്‍ക്കം രൂക്ഷമായിരുന്നു. മാക്‌സ് (MAX) എന്ന് പേരായ സംസ്ഥാനത്തിന്റെ പിന്തുണയോടെ പ്രവര്‍ത്തിക്കുന്ന റഷ്യന്‍ ആപ്പ് പ്രോത്സാഹിപ്പിക്കുകയാണ് സര്‍ക്കാരിന്റെ ലക്ഷ്യമെന്ന് മെറ്റ പറയുന്നു. എന്നാല്‍ ഉപഭോക്താക്കളെ ട്രാക്ക് ചെയ്യാന്‍ ആപ്പ് ഉപയോഗിച്ചേക്കുമെന്ന വിമര്‍ശനവും മാക്‌സിനെതിരെ ഉയരുന്നുണ്ട്. അതേസമയം ഇത്തരം ആരോപണങ്ങള്‍ റഷ്യ തള്ളുകയും ചെയ്തിരുന്നു

പിരിഡ്സ് സമയത്തെ അമിത രക്തസ്രാവം ലോകവ്യാപകമായി ശ്രദ്ധിക്കപ്പെടാതെ പോകുന്ന ഗുരുതര പ്രശ്‌നമാണെന്ന് റിപ്പോർട്ട്. . ദി ലാൻസെറ്റിൽ പ്രസിദ്ധീകരിച്ച പഠനത്തിലാണ് ഈ വിവരം ഉള്ളത്. അത് സ്ത്രീകളിലെ ശാരീരിക, മാനസിക, ജീവിത സാഹചര്യത്തെ ദോഷകരമായി ബാധിക്കുന്നു. 30-50% സ്ത്രീകളെയും അമിതമായ ആര്‍ത്തവ രക്തസ്രാവം ബാധിക്കുന്നുണ്ടെന്ന് പഠനങ്ങള്‍ സൂചിപ്പിക്കുന്നു. യുകെ നാഷണല്‍ ഇന്‍സ്റ്റിറ്റ്യൂട്ട് ഫോര്‍ ഹെല്‍ത്ത് ആന്‍ഡ് കെയര്‍ എക്‌സലന്‍സിൻ്റെ പഠനത്തിലാണ് നിര്‍ണായക റിപ്പോര്‍ട്ടുള്ളത്. അത് കേള്‍ക്കുമ്പോഴായിരിക്കുമല്ലേ, നമ്മളും അത് അത്ര വലിയ പ്രശ്‌നമാണോ എന്ന് ചിന്തിക്കുന്നുണ്ടാകുക. പിരിഡ്‌സ് സമയത്തുണ്ടാകുന്ന അമിത രക്തസ്രാവം, ഹോര്‍മോണ്‍ വ്യതിയാനം കൊണ്ട് ഉണ്ടാകുന്ന സാധാരണ പ്രക്രിയ ആണെന്ന ധാരണയാണ് നമ്മളില്‍ പലര്‍ക്കുമുള്ളത്. ഓരോ 1ഓ-2ഓ മണിക്കൂറിലും പാഡുകള്‍ മാറ്റേണ്ടി വരുന്നതും, ഉറങ്ങുന്നതിനിടയില്‍ പോലും എഴുന്നേറ്റ് പാഡ് മാറ്റേണ്ടി വരുന്നതും എല്ലാം അമിത രക്തസ്രാവത്തിൻ്റെ ലക്ഷണങ്ങളാണ്.

ന്യൂഡല്‍ഹി: ഇന്ത്യന്‍ വംശജയയായ ബഹിരാകാശ സഞ്ചാരി സുനിത വില്യംസ് നാസയില്‍ നിന്ന് വിരമിച്ചു. 27 വര്‍ഷത്തെ സേവനത്തിന് ശേഷമാണ് സുനിത വിരമിക്കല്‍ പ്രഖ്യാപിച്ചത്. അന്താരാഷ്ട്ര ബഹിരാകാശ നിലയത്തില്‍ ഒന്‍പതര മാസമാണ് സുനിത കഴിഞ്ഞത്. മൂന്ന് ദൗത്യങ്ങളിലായി 608 ദിവസങ്ങള്‍ ബഹിരാകാശത്ത് ചെലവഴിച്ചിട്ടുണ്ട്. ചൊവ്വാഴ്ചയാണ് സുനിതയുടെ വിരമിക്കല്‍ നാസ പ്രഖ്യാപിച്ചത്.