കോൺഗ്രസിനോട് ഗുഡ് ബൈ പറഞ്ഞ് പുതിയ പാർട്ടി രൂപീകരിക്കാൻ വൻ നീക്കവുമായി കെ സുധാകരൻ. കെ സി വേണുഗോപാലിനെ ഫോണിൽ വിളിച്ച് സുധാകരൻ ഇക്കാര്യം അറിയിച്ചു. 25 സീറ്റുകളിൽ കോൺഗ്രസിനെതിരെ സ്വന്തം സ്ഥാനാർഥികളെ നിർത്താനാണ് കെ സുധാകരന്റെ നീക്കം. അൽപ്പസമയത്തിനകം മാധ്യമങ്ങളെ കണ്ട് കെ സുധാകരൻ നിലപാട് തുറന്നു പറയും.ഹൈക്കമാന്ഡ് തീരുമാനം തന്നെ ഒഴിവാക്കാനുള്ള ആസൂത്രിത നീക്കമാണെന്ന് കെ സുധാകരന് സംശയിക്കുന്നുണ്ട്. കോണ്ഗ്രസ് നേതൃത്വത്തെ നേരിട്ട് വിളിച്ചാണ് പാര്ട്ടി വിടുന്നുവെന്ന് കെ സുധാകരന് അറിയിച്ചിരിക്കുന്നത്. പാര്ട്ടിയുമായുള്ള ബന്ധം അവസാനിപ്പിച്ചെന്ന് നേതൃത്വത്തെ അറിയിച്ചതായാണ് വിവരം. എംപിമാർ മത്സരിക്കേണ്ടെന്ന അന്തിമ തീരുമാനത്തിൽ ഹൈക്കമാൻഡ് എത്തിയിരുന്നു. കെ സുധാകരനും അടൂർ പ്രകാശിനും സീറ്റ് നൽകിയേക്കുമെന്ന് അഭ്യൂഹം ഉണ്ടായിരുന്നെങ്കിലും എംപിമാർക്ക് സീറ്റ് നൽകേണ്ടെന്ന തീരുമാനം ഹൈക്കമാൻഡ് കൈക്കൊള്ളുകയായിരുന്നു
Trending:
